സ്ത്രീയെന്ന ശബ്ദത്തിൻ-
അര്‍ത്ഥം തിരയുമ്പോൾ,
ആദ്യം ഞാനെത്തുന്നു അമ്മയ്ക്ക്മുമ്പിൽ,
ദാരിദ്ര്യ കണ്ണീരാൽ-
അന്നം വളമ്പിയെൻ,
ബാല്യത്തെ പോറ്റിയ അമ്മയ്ക്ക്മുമ്പിൽ.
പാതിരാനേരത്ത്-
പാതിവെളിച്ചത്തിൽ മാലോകരൊക്കെ,
കാഴ്ചയായ് നിൽക്കവേ.
ആശ്രയമില്ലാതെ,ആശ്രിതരില്ലാതെ-
ഭാണ്ഡവുമേറി പൈതങ്ങളെതാങ്ങി ഏകയായ്,
നീങ്ങിയ അമ്മയ്ക്ക്മുമ്പിൽ.
കൂരയ്ക്ക് പകരമായ്-
മാറിലെ ചേലയാൽ-
മാളിക തീർത്തൊരു മാതൃത്ത്വത്തിൻ മുന്നിൽ.
മക്കൾക്കുറങ്ങുവാൻ-
തൻ മടിതൊട്ടിലിൽ സപ്രമഞ്ചം പണിതമ്മ.
മക്കളെ പൊറ്റുവാൻ തൂമ്പയുമായി,
പാടത്തിറങ്ങിയിട്ടുണ്ടമ്മ.
എന്ത് വികൃതിയും പുഞ്ചിരിയൊടെ,
മെല്ലെ ശകാരിച്ചിട്ടുണ്ടമ്മ.
കണ്ണ് നിറയുമ്പോൾ
കണ്ണ് കഴുകി മാറിനടന്നിരുന്നമ്മ.
അമ്മയ്ക്ക് മാത്രമായ്-
ജീവിതസൗഖ്യങ്ങൽ തേടിയലഞ്ഞയെന്നെ,
കുടുംബസ്തനാക്കുവാൻ
കൂടണയിക്കുവാൻ ഓടിനടന്നിരുന്നമ്മ.
ദുഷ്ടനാണെങ്കിലും ഇഷ്ടമാണിന്നും-
അച്ഛനെയും എനിയ്ക്കിന്നും.
കഷ്ടകാലത്തിൽ നഷ്ടമായ ഇഷ്ടബോധമാണച്ഛൻ.
സ്ത്രീയെന്ന ശബ്ദത്തിൻ-
അര്‍ത്ഥം തിരയുമ്പോൾ,
ആദ്യം ഞാനെത്തുന്നു അമ്മയ്ക്ക്മുമ്പിൽ.
ലാലു. കടയ്ക്കൽ.
lalu.kadakkal.
https://www.facebook.com/loveapril15
അമ്മയ്ക്കായ്
4/
5
Oleh
lalunmc
