പിരിയുവാൻ നേരം ഒരാൾവരും,
പതിയെ പരിഭവങ്ങൾ ഓരോന്നായ് ചൊല്ലും.
പറയുന്നത് ഓരോന്നും കേട്ടുകേട്ടവസാനം,
പദയാത്ര പോലും മറക്കും,
ജീവിതപദയാത്ര പോലും മറക്കും.
പിന്നിട്ട വഴികളിൽ കാണാതെ മറന്നവ,
മുന്നിലെ ശൂന്യതയിൽ വൃഥാതിരയുമ്പോൾ.
ഇഷ്ട സ്വപ്‌നങ്ങൾ ഹൃദയാന്തരങ്ങളിൽ,
പെരുമ്പറ കൊട്ടി കരയും,
വെറുതെ പരുമ്പറ കൊട്ടി കരയും.
ഓട്ടത്തിരക്കിൽ എങ്ങൊമറന്നൊരു,
എന്നിലെ എന്നെഞാനിന്നും തിരയും.
വഴിതെറ്റിയെങ്ങോ ഒരനാഥനെപ്പോലെ,
ഒറ്റയ്ക്ക് നിൽപ്പാകും ഇന്നും.
മൂകനായ് ഒറ്റയ്ക്ക് നിൽപ്പാകും ഇന്നും.
വഴിവക്കിലെങ്ങാനും കണ്ടാൽ സതീർത്ഥാ,
അരികത്ത് വന്നാ ചുമലിൽ തലോടി,
ഹൃദയസ്‌പന്ദനം തൊട്ടൊന്നറിയുക,
വിറയാർന്ന കരങ്ങളെ മെല്ലെ തലോടി,
വഴികാട്ടിയായ് നടക്കുക.
നീ വഴികാട്ടിയായി നടക്കുക.
............... ലാലു രാധാലയം .......
08/03/2022.
പദയാത്ര.
4/
5
Oleh
lalunmc
