ആശപോലുള്ള ജീവിതത്തില്‍,
നിരാശയാണ് എപ്പോഴും കൂട്ടിനായ് .
ആശ നിരാശതന്‍ മത്സരത്തില്‍,
അതിശയമായി ഞാനുമുണ്ട്.
മൂകനല്ലെങ്കിലും-
ഞാനുമീ ലോകത്തില്‍,
ശബ്ദമില്ലാതെ കഴിഞ്ഞിടുന്നു.
അന്ധനല്ലെങ്കിലും-
ഞാനുമീ ലോകത്തില്‍ ,
കാഴ്ചകള്‍ കാണാതെ ജീവിക്കുന്നു.
ബധിരനല്ലെങ്കിലും-
ഞാനുമീ ലോകത്തില്‍,
വാര്‍ത്തകള്‍ കേള്‍ക്കാതെ കഴിഞ്ഞിടുന്നു.
ശുദ്ധനല്ല ഞാന്‍ അശുദ്ധനല്ല,
ആരംഭംമില്ല , അന്ത്യവുമില്ല.
ആശ്രിതനല്ല , ആരോഗ്യനുമല്ല .
ആരിലും കാണുന്ന ദേഷ്യവുമില്ല.
ദിക്കറിയില്ല,ദിനമറിയില്ല,
സമയച്ചക്രത്തിനെ കണ്ടിട്ടുമില്ല.
ദീക്ഷയുമില്ല ,
ദക്ഷിണവച്ച പഴക്കവുമില്ല.
ഞാനൊരു അനാഥന്‍,
പാരിന് ശാപമായ് കാലത്തിന്‍ -
ഭാക്ഷയറിയാതെ മൂകനായ്‌ മാറിയവന്‍.
ഞാനിരിക്കുന്നു ഓരോ മനസ്സിലും,
ഭൗമഭാവ വ്യത്യാസമില്ലാതെ.
ഞാനുറങ്ങുന്നു ഓരോ മനസ്സിലും,
സൗമ്യമൂക മുഖം മൂടിയണിഞ്ഞു.
ഞാനാണ് അധമന്‍ മൂക സാക്ഷിയായ്,
ഓരം ചേര്‍ന്ന് നടന്ന് അലഞ്ഞു തിരിഞ്ഞ്,
ആശ്വാസമോടെ സ്വ:ഗ്രഹത്തിലെത്തിയാൽ,
നിശ്വാസം നെടുവീര്‍പ്പ് ചാരിതാര്‍ഥ്യം.
" അനസ്യൂതമൊഴുകുന്ന പുഴപോലുമില്ല !
അനുരാഗ മൊഴുകുന്ന ഹൃദയവുമില്ല !
അനുസരണ അറിയുന്ന ജനമേതുമില്ല !
അസൂയക്ക് മാത്രം കുറവേതുമില്ല !"
ലാലു . രാധാലയം.
സ്വയമറിയാന്‍
4/
5
Oleh
lalunmc
3 comments
Tulis commentsഞാനാണ് അധമന്‍ . മൂകസാക്ഷിയായ് .
Replyഓരംചേര്‍ന്ന് നടന്ന്. അലഞ്ഞുതിരിഞ്ഞ്,
ആശ്വാസമോടെ സ്വ:ഗ്രഹത്തിലത്തി .
നിശ്വാസം. നെടുവീര്‍പ്പ്. ചാരിതാര്‍ത്ഥ്യം ... best wishes laalu
അതിശയമായി ഈ ഞാനുമുണ്ട് ..
Replyഞാനിരിക്കുന്നു.
Replyഓരോ മനസ്സിലും ,
ഭൌമഭാവ വ്യതിയാനമാറിയാതെ ...
ഞാനുറങ്ങുന്നു ഓരോ മനസ്സിലും ,
സൌമ്യമൂക മുഖംമൂടിയണിഞ്ഞു ..
ഞാനാണ് അധമന്‍ ..............eshtamayi lyrics....