അക്ഷരങ്ങള്‍ എനിക്കിഷ്ടമാണ് ,
എന്നെ അതിലേറെ ഇഷ്ടമാണ് ..
കൂട്ടക്ഷരങ്ങള്‍ എനിക്കിഷ്ടമല്ല ,
വിരഹദൈര്‍ഘ്യം ആശ്വാസമാണ് .
പാണ്ഡിത്യം പണ്ടേ ഇഷ്ടമല്ല ..
ഭാണ്ഡം ചുമന്ന ശീലവുമില്ല ...
പണക്കാരെ കാണുക ദേഷ്യമാണ് ..
പണമെനിക്കെപ്പോഴും ആര്‍ത്തിയാണ് ..
പ്രാരാബ്ധം കൊണ്ട് നടക്കാറില്ല ..
സഹസ്രാബ്ദജീവിതം മോഹമാണ് .
സഹനമാണ് ഇഷ്ടതോഴനെങ്കിലും ,
എന്നെ സഹിക്കുക കഷ്ടമാണ് ...
ദുര്‍നടത്തം എനിക്കിഷ്ടമല്ല ,
ധൂര്‍ത്തടിയും തീരെയില്ല ...
ബാറുകള്‍ നാലെണ്ണം പേരിലുണ്ട് ,
ബാറില്‍ നിന്നടിയും ശീലമില്ല .
മാന്യത എന്തെന്ന് നോക്കാറില്ല ,
സാമാന്യ ബോധം തീരെയില്ല ..
സമകാലികം ജീവിതവീക്ഷണങ്ങള്‍ .
സമചിത്തതയോടെ പിന്തള്ളിടുന്നു .
ലാലു കടയ്ക്കല്‍ .
നവയുഗ കാഴ്ചകള്‍ ...
4/
5
Oleh
lalunmc
