പ്രിയ സ്നേഹിതരെ , അക്ഷര ആസ്വതകരെ , വായനക്കാരെ ...
നാം കുറിക്കുന്ന ഓരോ വാക്കും ഏതെങ്കിലും ഒരു ഹൃദയും ഏറ്റുവാങ്ങാന്‍ ഉണ്ടാകും എന്ന വാക്കിന് സാക്ഷിയാണ് എന്‍റെ അക്ഷര സാക്ഷാല്‍കാരങ്ങള്‍ക്ക് നിങ്ങള്‍ നല്‍കിയ പിന്തുണ .
ഇവിടെ കുറിക്കുന്ന വാക്കുകള്‍ എന്‍റെ ആത്മ കഥയല്ല എന്ന് മുമ്പ് ഞാന്‍ സൂചിപ്പിച്ചതാണ് . എന്‍റെ ആത്മനൊമ്പരങ്ങള്‍ അക്ഷരമാകുമ്പോള്‍ ഇതുവരെ ഞാന്‍ കണ്ട ജീവിതങ്ങളുടെ നേര്‍കാഴ്ചകള്‍ ഉണ്ടായേക്കാം . പക്ഷെ ഇതിലൊന്നിലും ഞാന്‍ ഇല്ല . എന്നെ നേരിട്ട് അറിയില്ലാത്ത ആയിരത്തോളം സൌഹൃദങ്ങള്‍ക്ക് എന്‍റെ അക്ഷര ആശയ സുഹൃത്തുക്കള്‍ക്ക് ആയതിനാല്‍ ഞാന്‍ കടപ്പെട്ടിരിക്കുന്നു . നിങ്ങള്‍ നല്‍കിയ വിമര്‍ശനങ്ങളും , പ്രോത്സാഹനവും ആണ് ഞാന്‍ ഉര്‍ജ്ജമാക്കി മുന്നേറുന്നത് . തുടര്‍ന്നും ഉണ്ടാകുമെന്നും , ഉണ്ടാകണമെന്നും ആത്മാര്‍ഥമായി ആശിക്കുന്നു .
സങ്കടും കരഞ്ഞാല്‍ തീര്‍ന്നുപോകും എന്നോരുകൂട്ടര്‍ പറയുന്നു . സന്തോഷം പങ്കിട്ടാല്‍ നഷ്ടമാകുമെന്ന് മറ്റുചിലര്‍ , സ്നേഹം സ്വാര്‍ഥ താല്‍പര്യങ്ങളുടെ ദ്രിശ്യ മുഖമാണ് എന്ന് ചിലര്‍ , അനുകമ്പ എന്നത് " ഇന്ന് " ജാടകളാണ് എന്ന് ചിലര്‍ , കഷ്ടമാണ് കാലമാറ്റവും , മനസ്സുകളുടെ സഞ്ചാരവും . ഈ ലോകത്തും അക്ഷരങ്ങളില്‍ കൂടിയും ആശയങ്ങളില്‍ കൂടിയും ഒരു നോക്ക് കാണാതെ ഒരേ മനസ്സായ് കുറെ കൂട്ടായ്മകളും , കൂട്ടുകാരും , പ്രവസ്സജീവിതത്തിലെ വിരസതകളെ ഒരു പരിധിവരെ പിന്നിടാന്‍ സഹായകമായി എന്നതില്‍ സന്തോഷമുണ്ട് .
" എഴുതാന്‍ വൈകിയ വാക്കുകള്‍ " സത്യത്തില്‍ എന്‍റെ സ്വപ്ന സാക്ഷാല്‍കാരമാണ് . എന്നെ നേരിട്ട് അറിയുന്നവര്‍ ഒരിക്കലും വിശ്വസിക്കാത്ത സത്യം . ഇരുപത് വര്‍ഷത്തെ പ്രവാസ്സ ജീവിതം ഈ 39 - അം വയസ്സില്‍ എത്തിനില്‍ക്കുമ്പോള്‍ സ്വയം ചാരിദാര്‍ത്ഥ്യം തോന്നുന്ന നിമിഷങ്ങള്‍ . ഇനി മടക്കമാണ് . ഒഴിവുകെടുകള്‍ മറന്നു നഷ്ടമായ ജീവിതം തേടിയുള്ള യാത്ര . യൌവനവും , കൌമാരവും , ഒരു നിമിഷം എങ്കിലും തിരികെ കിട്ടുമോ എന്നറിയാന്‍ ഒരു തിരിച്ചുപോക്ക് . വികലവും , വിജനവും ആയ ചിന്തകള്‍ വേട്ടയാടുമ്പോള്‍ ഇനിയും പുതിയ അക്ഷരകുട്ടുമായ് ഞാന്‍ വരും നിങ്ങളെ തേടി . വിമര്‍ശനാത്മക അഭിപ്രയങ്ങളാല്‍ നിങ്ങളും കൂടെയുണ്ടാകും എന്നാശിച്ച് കൊണ്ട് എല്ലാ പ്രിയ മിതങ്ങള്‍ക്കും ഒരായിരം അക്ഷരസ്നേഹപൂക്കള്‍ ...
നന്ദിയോടെ ,
ലാലു കടയ്ക്കല്‍ .
നന്ദിയോടെ
4/
5
Oleh
lalunmc
