പ്രണയമരീചിക ..
കാണാതെ കരയുന്ന കണ്ണിനെ നോക്കി ,
കാതങ്ങള്‍ അറിയാതെ യാത്രയായ് .
പാടങ്ങള്‍ താണ്ടുന്ന വേളയില്‍ -
ഓര്‍മ്മകള്‍ പാടവരമ്പത്ത് ഉടക്കിടുന്നു .
പച്ചപാവാടയും , പട്ടുടുപ്പും ,
കുശലങ്ങള്‍ ചൊല്ലി അടുത്തിടുന്നു ,
ഓര്‍മ്മയെ മെല്ലെ തഴുകിടുന്നു .
കണ്ണുകള്‍ അറിയാതെ അടര്‍ന്നിടുന്നു .
കൊഞ്ചികുഴയുന്ന സുന്ദരി പെണ്ണിന്‍റെ
കുയില്‍നാദം കാതില്‍ മുഴങ്ങിടുന്നു .
അമ്പല മണിനാദം-
ഓര്‍മ്മയെ ഉണര്‍ത്തുമ്പോള്‍ ,
തെന്നി പറക്കുന്ന കൂന്തലിന്‍ തലോടലെന്‍ -
മേനിയെ രോമാഞ്ചമാക്കിടുന്നു .
എന്തിനെന്നറിയാതെ ,
പരിഭവും അണയുമ്പോള്‍ ,
ചെമ്പട്ടുപോലെ ചുമക്കുന്ന പൊന്മുഖം ,
നെഞ്ചിലെ തീയായ് ആളിടുന്നു .
നിദ്രയെ പുല്‍കാതെ രാത്രിയില്‍ -
ഒറ്റയ്ക്ക് നക്ഷത്രം നോക്കിനടന്നിടുമ്പോള്‍ .
കത്തിയെരിയുന്ന താരമായ് അന്നുനീ ...
എന്‍ ആത്മാവിലേക്ക് ലയിച്ചതല്ലേ ..!.
നാട്യശാസ്ത്രത്തിന്‍ മുദ്രാഗുലികളാല്‍ ,
ആത്മരോദനമേല്ലാം രചിച്ചുനീ .
ആത്മഹര്‍ഷ പുളകിതമായെന്‍ ,
ആത്മാവില്‍ ശിലയായ് ഉറച്ചുപോയ് .
കാക്കുകയാണ് ..
ഞാനിന്നും നിനക്കായ് ,
ചാപല്യം ഇല്ലാമനസ്സുമായ് ,
താമരകുമ്പിളില്‍ സ്നേഹംനിറച്ച് ,
താമ്പോലം നിറയെ പ്രതീക്ഷയും ...
തരകമാകുവാന്‍ , സായൂജ്യമണയുവാന്‍ .
താരകേ .... ഞാനും ..
പ്രണയമരീചികനാകുന്നുവോ .... ? .
ലാലു കടയ്ക്കല്‍ .
പ്രണയമരീചിക ..
4/
5
Oleh
lalunmc
