ജനനമരണങ്ങള്‍ക്കിടയില്‍
ഒരു നിമിഷമുണ്ട്‌ സഖീ ജീവിതത്തില്‍.
കൊച്ചുപിണക്കങ്ങളില്‍,
നിഷ്പ്രഭമാക്കല്ലേയാ നിമിഷത്തെയും.
പ്രണയിച്ചു നിന്നത്മാവിനെ,മനസ്സിനെ,
നിന്നെ മറക്കുവാനാകാത്ത നിമിഷവും.
നീയഗ്നിയാണ് ഞാനതിന്‍ ജ്വാലയും.
കത്തിയമരുന്നതോ ഇരുമനസ്സുകളും.
കാത്തുവച്ചിരിക്കുന്ന സ്നേഹപാഥേയം.
ഒത്തുപങ്കിടാന്‍ ഹൃദയം വിതുമ്പുന്നു.
നീയറിയുന്നുണ്ടോ ഞാനാരാണെന്ന്,
ജന്മകര്‍മ്മങ്ങളില്‍ നിന്നന്ത്യയാമങ്ങളില്‍,
അന്ത്യകണ്ണുനീര്‍മുത്തുകള്‍ എന്റെതാകും.
ഈ ജന്മയാത്രയിലന്ത്യത്തില്‍-
കാത്തിരിക്കുന്നതും നിന്നെയാകും.
ആത്മപരാത്മാക്കളോട്-
മല്ലിടിക്കുന്നതും നിനക്കായ്മാത്രമാകും.
അര്‍ത്ഥചിന്തകള്‍ക്കപ്പുറം-
പ്രാണനാണ്‌ നീ പ്രണയമാണ് നീ.
ലാല്‍സ്.
www.facebook.com/loveapril15
മറന്നുവോ സഖീ..
4/
5
Oleh
lalunmc
