.jpg)
അംഗണ തൈമാവിന്‍ കൊമ്പത്തതാ-
രണ്ടിണ കുരുവികള്‍ കൂടുകൂട്ടി ,
തഞ്ചത്തില്‍ കൊമ്പത്ത് -
കമ്പുകള്‍ കൊണ്ടവര്‍ -
തന്‍ മണിമാളിക പടുത്തുയര്‍ത്തി ,
സ്വപ്‌നങ്ങള്‍ പോലൊരു ശ്വസ്തമാം ഭവനം,
തന്നോമനകള്‍ക്കായ് നെയ്തുകൂട്ടി ,
ഇനിവരം ശൈത്യവും , ഗ്രീഷ്മവും,
നോക്കിയവര്‍ വസന്തത്തിനായി കാത്തിരിന്നു .
പൌര്‍ണ്ണമി കണ്ടവര്‍ -
വെന്‍നിലാവെട്ടത്തില്‍ ,
പിന്മുറയ്ക്കായ് ഒത്തുചേര്‍ന്നു .
വര്‍ഷമേഘങ്ങള്‍ തകര്‍ത്ത് പെയ്യും മുമ്പേ -
പൊന്നോമനകള്‍ പോന്മുഖം കാണുവാന്‍ ,
സ്നേഹമണിമാളിക ഒരുക്കിവച്ചു .
പച്ചില പറിച്ചില്ല ,
വന്മരം മുറിച്ചില്ല ,
വന്മലകള്‍ ഒന്നുമേ ഇടിച്ചു നിരത്തിയില്ല .
കാടുകള്‍ തെളിച്ചില്ല ,
പുഴകളെ മുറിച്ചില്ല ,
വയലേലകള്‍ ഒന്നുമേ നികത്തിയില്ല .
പ്രകൃതിയെ കൊല്ലാതെ ,
പ്രകൃതില്‍ നിന്നവര്‍ ,
പാരമ്പര്യത്തില്‍ ഗ്രഹപ്പണിക്കാര്‍ ,
തച്ചുശാസ്ത്രവും ,
വാസ്തുശാസ്ത്രവും പഠിച്ച പെരുന്തച്ഛന്മാര്‍ .
ശില്‍പ്പചാരുത തുടിക്കുന്ന കൂടുകള്‍
വിസ്മയമാണ്, മനോഹരമാണ് .
ശ്വസ്തമായ് വളരുവാന്‍ കുഞ്ഞുങ്ങള്‍ക്കായവര്‍
ദ്രിഡതയേറിയ സ്വപ്നമാളിക പണിതു .
മുട്ടയിട്ടതാ അമ്മ അടയിരിക്കുന്നു ,
ചന്ദ്രമാസം കാക്കുന്നപോലെ അക്ഷമാനായ്,
അച്ഛന്‍ ചുറ്റുവട്ടത്ത് പറന്ന് നടക്കുന്നു .
കുഞ്ഞുങ്ങള്‍ കലപില കൂട്ടി കരയുന്നു ,
ഉയരത്തില്‍ കഴുകന്‍ കണ്ണുമായ് വട്ടമിടുന്ന പരുന്തും ,
ശബ്ദ കൊലാഹലത്തോടെ ചുറ്റിപറക്കുന്ന പിതാവും .
മക്കളെ ചിറകില്‍ ഒളിപ്പിച്ചു മൂകയായ്‌,
അമ്മക്കിളി നോക്കുന്നു ചുറ്റിലും ,
കണ്മറഞ്ഞ പരുന്തിനെ കണ്ടപ്പോള്‍ ,
ആശ്വാമായ് പറന്നടുത്തു പിതാവും .
"സ്നേഹം " രൂപമില്ലാതെ അലയടിക്കുന്നു,
ഓരോ ജീവജാലത്തിലും .
സ്വസുഖത്തിനായ് ഒന്നിനെ കൊല്ലാതെ
ശ്വസ്തമായ് ജീവിച്ചുകാണിക്കുന്നു പറവകളും,
ഒരു ജനനസന്തോഷം ,
പല മരണദു:ഖങ്ങള്‍ക്ക് മുകളിലാകാതെ .
ഒരുമിച്ച് ഓര്‍ക്കുവാന്‍ ,
ഓര്‍മ്മയില്‍ സൂക്ഷിക്കുവാന്‍ ഒരു നിമിഷം മതി ..
അതില്‍ നിസ്വാര്‍ഥസ്നേഹമുണ്ടെങ്കില്‍ ..
ലാലു . കടയ്ക്കല്‍ .
ഇണക്കുരുവികള്‍
4/
5
Oleh
lalunmc
1 comments:
Tulis commentsലളിതമായി പറഞ്ഞിരിക്കുന്നു. പക്ഷെ അക്ഷര തെറ്റുകള്‍ ലളിതമായി കാണരുത്. വായനയില്‍ വിരസത വരും..
Reply