ഓർമ്മകളിൽ വീണ്ടുമൊരു പ്രണയപ്പൂക്കാലം ഇപ്പോഴും ബാക്കിയുണ്ട്.
ചിലപ്പോൾ മനസ്സിനെ ആഴത്തിൽ തഴുകിയൊരു നൊമ്പരമായ് ഉറങ്ങാത്ത രാവുകൾക്ക് കൂട്ടിരിക്കാറുണ്ട്.
ചിലപ്പോൾ മനസ്സിനെ ആഴത്തിൽ തഴുകിയൊരു നൊമ്പരമായ് ഉറങ്ങാത്ത രാവുകൾക്ക് കൂട്ടിരിക്കാറുണ്ട്.
രാവുകളുടെ മധ്യാഹ്നത്തിൽ വാനിലെ നക്ഷത്രങ്ങളോട് നിന്റെ കഥകൾ പറയുമ്പോൾ പരിചിതരെപ്പോലെ അവരെന്റെ കഥകൾ ഓരോന്നും കേട്ട് മിന്നി മിന്നി ചിരിക്കാറുണ്ട്.
അതിനിടയിൽ ചിലപ്പോഴെങ്കിലും നിന്നോർമ്മകൾ പോലെ മേഘമതിലിനപ്പുറം നിന്ന് അമ്പളിമാമനും തലയാട്ടി കടന്നുപോകാറുണ്ട്.
അനുരാഗത്തിന്റ അഭിനിവേശത്തിൽ ചില രാത്രികളിൽ നിന്നോർമ്മകളും പേറികൊണ്ട് വാൽനക്ഷത്രങ്ങൾ ഭൂമിയിലേയ്ക്ക് കത്തിയെരിഞ്ഞു വീഴാറുണ്ട്.
സുഖലോല സ്വപ്നവസന്തം മിഴികളെ തളർത്തുമ്പോൾ ഉറങ്ങാതെ തുറന്നിരിക്കുന്ന മനക്കണ്ണിന് നിന്റെ മുഖത്തെ സൂക്ഷ്മതന്മാത്രകളെ പോലും അളെന്നെടുക്കാൻ കഴിയുന്നുണ്ട് ഇന്നും.
മനസ്സും മനസ്സും സംഘർഷത്തിൽ തമ്മിലടിക്കുമ്പോൾ ഞാനെപ്പോഴും കാഴ്ചക്കാരനായ് മാറിനിൽക്കും.
എനിക്കറിയാം നീയൊരു ഉരുക്കുകോട്ടയാണെന്ന് തമ്മിലടിച്ചു തളർന്നവർ ഉറങ്ങുമ്പോൾ നൊമ്പരങ്ങൾ വീണ്ടും എനിക്കായ് ബാക്കിയാകും.
അതിൽ നിന്റെ ഉയിരിന്റെ ചുവന്ന പാടുകളുണ്ടാകും. ചിലപ്പോൾ ഊർജ്ജത്തിൽ നിന്നടർന്നുവീണ വിയർപ്പുകണങ്ങൾ ഉണ്ടാകും.
എന്നാത്മരതികൾക്ക് മൂർച്ഛകൂട്ടാൻ നീ സ്വയമെടുത്തെറിഞ്ഞ വാക്കുകളുടെ കത്തിതീരാത്ത അസ്ഥികളുണ്ടാകും. അതിൽ നിന്നുയരുന്ന നിന്നോർമ്മകളെ കുഭത്തിലാക്കി കടലിൽ കളയണം.
സഫലമാകണം ഈ കാത്തിരിപ്പിന്റെ നൊമ്പരപ്പൂക്കൾ വിണ്ണിലെയൊരു നക്ഷത്രമായ് തിളങ്ങി നിൽക്കട്ടെ. പ്രണയം സായൂജ്യമണയട്ടെ.
ലാലു. രാധാലയം.
"""""""""""""""""""""""""""
lalunmc@gmail.com.
എഴുത്തുശാലകള്‍.
www.parasparam-lal.blogspot.com.
www.facebook.com/loveapril15
"""""""""""""""""""""""""""
lalunmc@gmail.com.
എഴുത്തുശാലകള്‍.
www.parasparam-lal.blogspot.com.
www.facebook.com/loveapril15
പ്രണയപ്പൂക്കാലം
4/
5
Oleh
lalunmc
